काठमाडौं ।

राजधानीमा मानवीय क्षति हुने गरी शक्तिशाली बम विष्फोट भयो । यो विष्फोटको जिम्मा नेत्रबिक्रम चन्दको नेतृत्वको राजनीतिक दलले लिएको छ । घटनामा परेर तीन घाईते भएका थिए । केही पछि एकको मृत्युनै भयो । एनसेलका कार्यालय र टावरहरूमा योजनाबद्धरुपमा बम विष्फोट गराउने समूहको सूचना संकलनमा गुप्तचर निकायदेखि सुरक्षा संयन्त्र असफलजस्तै देखिएका छन् ।
काठमाडौंको मुटुजस्तै मानिने भैसीपाटीको यो घटनाले नेपालको गुप्तचर संस्था त बिघटन गरिदिए हुने अवस्थामा पुगेको देखाउँछ । केन्द्रीय राजधानीमै हतियार सहित समुहमा आएका ब्यक्तिले यति ठूलो घटना गराउँदा पनि सामान्य पूर्व जानकारी पाउन नसक्ने नेपालका गुप्तचर र सुरक्षा निकाय तलवी भार मात्र भएको बिश्लेषण हुन थालेको छ । यो बिष्फोटले नेपालको सुरक्षा ब्यवस्थामा आँच आएको छ । आसपासका ६ वटा घर क्षति भएको छ । हुनत सुरक्षाकर्मी गेटमा थिए । आक्रमणकारीले चारवटा मोटरसाईलमा आएर बम बिष्फोट गरे । प्रहरीनै बिष्फोटकर्ता हतियारसहित आएको बताउँछ । राजधानीको ब्यस्त ठाउँमा मोटरसाईकलमा नै आएको ब्यक्तिले कुकर वम ल्याएको कसैले थाहा पाउँदैन । यसले गृह अन्तर्गतका अनुसन्धान, नेपाल प्रहरी तथा सशस्त्रको सूचना संयन्त्र असफल भएको छ । त्यसोत नेपाली सेनाले पनि आफ्नो तवरवाट सूचना संकलनका लागि गुप्तचर छाड्छ तर, उसले पनि केही भेउ पाएन । हतियारसहित मान्छे आएको लाचार कुरा गरेर नेपाल प्रहरी बसिरहेको छ ।