काठमाडौं । नेपाल निजामती कर्मचारी संगठनको बधाइ ग्रहण पछि प्रधानमन्त्री केपी शर्मा ओलीले कर्मचारीको पुरानो शैली र ढाँचाले देशको विकास सुस्त गतिमा हुने बताए । प्रधानमन्त्री ओलीले भने ‘सबैले नयाँ ढंगले सोचौं ,नयाँ कामको थालनी गरौं ।’ प्रधानमन्त्री ओलीले सबैलाई उपयोगको सिद्धान्त अनुसार कामगर्न आग्रह गरे ।

कर्मचारीको पेशागत मर्यादा र सुरक्षामा सरकार गम्भिर रहेको प्रधानमन्त्री ओलीले बताए । जागिर सुरु गर्दाको सर्त अनुसार सरकारले खटाएको ठाउँमा जनताको सेवागर्न कमर्चारी अनिवार्य रुपमा जानु पर्नेमा प्रधानमन्त्री ओलीले जोड दिए ।

‘खटाएको ठाउँमा जान्नभन्ने कर्मचारीलाई अघिललो सरकारले गोल्डेन ह््याण्डचेक सहित घर पठाउने निणर्य गरेको रहेछ’ प्रधानमन्त्री ओलीले भने ‘वर्तमान सरकार अनुभवी कर्मचारीलाई घर पठाएर नयाँ कर्मचारी नियुक्त गर्ने पक्षमा छैन । सरकारले खटाएको ठाउँमा कर्मचारी जानु पर्छ ।’

कर्मचारीको वृतिविकासका लागि पनि सेवा प्रवेश गर्दाको सर्त लागु हुने प्रधानमन्त्री ओलीको भनाइ छ । ‘नगरपालिकामा सरुवाहुँदा बढुवा नहुने,प्रदेशमा सरुवाहुँदा फेरी संघमा आउन नपाइने भन्ने हुँदैन’प्रधानमन्त्री ओलीले भने ‘आवश्यकता आधारमा कर्मचारीलाई देशभित्र जता पनि खटाउन सकिन्छ । तर जहाँगयो त्यहीं सिमित भएर बस्नु पर्दैन । ’

कर्मचारी स्थायी सरकार भएकोले उसको सहयोग विनाकुनै पनि सरकारले छिटो छरितो ढंगले कामगर्न नसक्ने प्रधानमन्त्री ओलीको भनाइ छ ।