भेनेजुएलामा विनाशकारी भूकम्प गएको ३२ घण्टापछि भग्नावशेषबाट १८ दिनका नवजात शिशु र उनकी आमाको जीवितै उद्धार भएको छ ।

भूकम्पका बेला अपार्टमेन्टको आठौँ तलामा रहेकी दयाना पातिनो र उनका शिशुलाई उद्धारकर्मीहरूले पूरै भत्किएको संरचनाबाट उद्धार गरेका बीबीसीले जनाएको छ । बीबीसीसँग कुरा गर्दै पातिनोले जमिनमुनि पुरिँदा आफ्नो सानो छोरालाई छातीमा टाँसेर उद्धारकर्मी आउने प्रतीक्षामा प्रार्थना गरिरहेको बताइन् ।

उनका अनुसार भूकम्प आउँदा भाँडा माझ्दै गरेकोमा तत्कालै बच्चालाई काखमा लिइन्, शुरूमा हावामा उडिरहेकोजस्तो महसुस भएकोमा पछि फर्निचरहरूको बीचमा थिचिइन् ।

फर्निचरको आड पाएपछि ३२ घण्टासम्म १ मिनेट पनि ननिदाई शिशुलाई छातीमा टाँसेर स्वास फेरेरनफेरेको थाहा पाउन उसको नाक जाँच गरिरहेको उनको भनाइ छ ।

भेनेजुएलामा गएको बुधवार बिहान गएका ७.२ र ७.५ म्याग्निच्युडका २ वटा शक्तिशाली भूकम्पले कम्तीमा १ हजार ४५० जनाको ज्यान गएको पुष्टि भइसकेको छ । झन्डै ५० हजार जना मानिस हराइरहेका अनुमान छ ।

भेनेजुएलाको यो विपद्मा एउटा नवजात शिशु अहिले सिङ्गो देशको आशाको किरण बनेको छ ।