-
काठमाडौं : प्रधानमन्त्री बालेन्द्र शाह ‘बालेन’ले थापाथली क्षेत्रको सुकुमबासी बस्ती खाली गर्न सुरक्षा प्रमुखहरूलाई निर्देशन दिएका छन् ।
बुधबार आईजीपी दान बहादुर कार्की र सशस्त्र प्रहरीका आईजी राजु अर्यालसहितका उच्च सुरक्षा अधिकृतहरूलाई बोलाएर शाहले सो निर्देशन दिएका हुन्।
आउँदो शनिबार र आइतबार सम्ममा बागमति खोला किनारको बस्ती खाली गर्न प्रधानमन्त्रीबाट निर्देशन प्राप्त भएको छलफलमा सहभागी एक सुरक्षा अधिकारीले बताए ।
ती अधिकारीले भने, ‘त्यसबारे छलफल भएको छ, काठमाडौंका प्रमुख जिल्ला अधिकारीसँग यसबारे थप छलफल हुन्छ।’
बालेन काठमाडौं महानगरको मेयर हुँदा पनि काठमाडौंको सुकुमबासी बस्ती हटाउने प्रयास गरेका थिए । त्यसबेला सुकुमबासीहरुले गरेको प्रतिवादका कारण महानगरको प्रयास बिफल भएको थियो।
