काठमाडौं : ग्यास व्यवसायीहरुले ‘अब ग्यास आधा सिलिन्डर होइन, पुरै लैजानुस्’ भन्न थालेका छन् । उनीहरुले सोमबारदेखि पुरै १४.२ किलो ग्यास सिलिन्डर बिक्री गर्ने निर्णय गरेका हुन्।

डिजेल मूल्यमा भएको अप्रत्याशित वृद्धिका कारण ढुवानी खर्च धान्न नसकिने अवस्था आएपछि व्यवसायीहरु यो कदम चाल्न बाध्य भएका हुन् । केही समय अघि सरकारले ग्यासको अभाव कम भन्दै ग्यास आधा सिलिन्डर बिक्री गर्ने निर्णय गरेको थियो ।