-
काठमाडौं : लगातार तेस्रो पटक विश्वकपमा छनोट हुन नसकेपछि इटाली फुटबल सङ्घका अध्यक्षले राजीनामा दिएका छन् ।
रोममा रहेको सङ्घको मुख्यालयमा भएको बैठकपछि गेब्रिएल ग्राभिनाले देशको शीर्ष फुटबल अधिकारीको पदबाट राजीनामा दिने घोषणा गरेका हुन् । खेलकुदमन्त्री एन्ड्रिया अबोदीले पनि ७२ वर्षीय ग्राभिनलाई राजीनामा दिन आह्वान गरेका थिए । ग्राभिना सन् २०१८ को अक्टोबरमा इटाली फुटबल सङ्घको अध्यक्षमा निर्वाचित भएका थिए ।
यसअघि प्रशिक्षण टोलीमा रहेका इटालीका पूर्वकप्तान जियानलुइजी बुफोनले पनि राजीनामा दिएका छन् ।
विश्वकपको युरोपेली प्लेअफ छनोटमा मङ्गलवार इटाली टाइब्रेकरमा बोस्निया एन्ड हर्जगोभिनासँग ४–१ गोलले पराजित भएको थियो । यो हारसँगै चार पटकको विजेता इटाली लगातार तेस्रो पटक विश्वकपमा पुग्न असफल भएको थियो ।
अब इटाली फुटबल सङ्घको नयाँ नेतृत्वका लागि जुन २२ मा चुनाव हुनेछ । नयाँ नेतृत्वका लागि इटाली ओलम्पिक कमिटीका पूर्वअध्यक्ष जियोभानी मालागो सबैभन्दा अघि छन् ।
