-
काठमाडौं : नेपाल आयल निगमले पेट्रोल, डिजेल र मट्टीतेलको मूल्य बढाएको छ ।
आजदेखि लागू हुने गरी पेट्रोलको मूल्य लिटरमा एक रूपैयाँ तथा डिजेल र मट्टीतेलको मूल्य लिटरमा ३ रूपैयाँ बढेको हो । खाना पकाउने ग्यास र हवाइ इन्धनको मूल्य भने यथावत छ ।
चारआली, विराटनगर, वीरगन्ज, जनकपुर, अमलेखगन्ज, भलवारी, नेपालगन्ज र धनगढी क्षेत्रमा अब पेट्रोलको भाउ १ सय ५४ रूपैयाँ ५० पैसा प्रतिलिटर पर्नेछ ।
त्यस्तै डिजेल र मट्टीतेलको मूल्य लिटरको १ सय ३९ रूपैयाँ ५० पैसा पर्नेछ । यस्तै सुर्खेत र दाङ क्षेत्रमा अब पेट्रोलको मूल्य १ सय ५६ रूपैयाँ प्रतिलिटर तथा डिजेल र मट्टीतेलको मूल्य १ सय ४१ रूपैयाँ प्रतिलिटिर पर्नेछ ।
काठमाडौं, पोखरा र दिपायल क्षेत्रमा अब पेट्रोलको मूल्य १ सय ५७ रूपैयाँ प्रतिलिटर तथा डिजेल र मट्टीतेलको मूल्य लिटरको १ सय ४२ रूपैयाँ पर्नेछ ।
