काठमाडौं : प्रधानमन्त्री सुशीला कार्कीले स्वास्थ्य बीमाको स्रोतसम्बन्धी समस्या तत्काल समाधान गर्ने बताएकी छिन् । आज सम्बन्धित पक्षसँगको छलफलमा प्रधानमन्त्री कार्कीले स्वास्थ्य बीमा कार्यक्रम विपन्न वर्गको भएकाले यसलाई विपद्कै रूपमा लिएर अर्थमन्त्रीसँग छलफल गरी समस्या समाधान गर्न ढिलाइ नगर्ने बताए ।

प्रधानमन्त्री कार्कीले सरकारले ऋण खोजेर भए पनि स्वास्थ्य बीमाका लागि आवश्यक बजेटको व्यवस्था गर्ने उल्लेख गरिन्। नागरिकले प्रिमियर तिर्ने तर सरकारले उनीहरूका लागि बजेटको व्यवस्था नगर्ने कुरा कुनै पनि हालतमा हुन नसक्ने उनको भनाइ छ ।

उनले भने, ‘स्वास्थ्य बीमा कार्यक्रमलाई नियमन गर्न जरुरी छ । नागरिकले पैसा पनि तिरिरहेका छन्, उपचार पनि पाइराखेका छैनन् । अर्थमन्त्रीसँग छलफल गरेर यसलाई सुधार्नेछौँ । जसरी पनि यो समस्या समाधान गर्नेतिर जान्छौँ । यसबारेमा नियम, कानून बनाउने कुरामा उहाँको तयारी नै छ । हामी सबै मिलेर यो समस्या समाधान गरौँ ।ु

प्रधानमन्त्री कार्कीले स्वास्थ्य बीमा कार्यक्रमलाई एकद्वार प्रणालीबाट अघि बढाउने गरी स्वास्थ्य मन्त्रालयले नीतिगत र कानूनी व्यवस्था तय गर्न लागेको पनि बताइन् ।