अमेरिकासँगको तनाव बढ्दै जाँदा इरानले सम्भावित सैन्य कारबाहीको चेतावनी दिँदै आफ्नो सैन्य तयारीलाई तिब्र पारेको छ । इरानले आफ्नो सेनामा १ हजार लडाकु ड्रोनहरू समावेश गरेको अन्तर्राष्ट्रिय सञ्चार माध्यमले जनाएका छन् ।

इरानले सैन्य अभ्यासको घोषणा गरेको छ । यी पछिल्ला घटनाक्रम यसै हप्ताको शुरुमा अमेरिकाले मध्य पूर्वमा विमानवाहक युद्धपोत नेतृत्वको स्ट्राइक ग्रुप परिचालन गरेपछि आएका हुन् ।

अमेरिकी राष्ट्रपति डोनाल्ड ट्रम्पले एक विशाल आर्मडा इरानतर्फ गइरहेको र उसलाई सम्झौतामा पुग्न समय घर्किँदै गएको चेतावनी दिएका थिए ।