-
युक्रेनका भ्रष्टाचारविरोधी एजेन्सीहरूले राष्ट्रपति भोलोदिमिर जेलेन्स्कीका चिफ अफ स्टाफ एन्ड्री यार्माकको अपार्टमेन्टमा खानतलासी सुरू गरेका छन् । दुई एजेन्सीहरूमध्ये एक भ्रष्टाचारविरोधी ब्युरो ‘नाबु’ ले खानतलासी सुरू गरेको जानकारी दिँदै थप विवरणहरू पछि आउने बताएको बीबीसीले जनाएको छ ।
भ्रष्टाचार काण्डले युक्रेनी राष्ट्रपतिका नजिकका धेरै व्यक्तिहरूलाई घेरेको छ, यद्यपि जेलेन्स्की वा उहाँका दाहिने हात रहेका येर्माकलाई कुनै गलत कामको आरोप लागेको छैन ।
रुसको पूर्णस्तरीय युद्धप्रति युक्रेनको प्रतिक्रियामा येर्माकले महत्त्वपूर्ण भूमिका खेलेका छन् र उनी अमेरिकासँगको शान्तिवार्तामा युक्रेनका प्रमुख वार्ताकार छन्। यद्यपि उनलाई पदबाट हटाउन आलोचकहरूले माग गरेका छन् ।
५४ वर्षीय येर्माकले सामाजिक सञ्जालमा नाबु र भ्रष्टाचार विरोधी विशेष अभियोजकको कार्यालय ९एसएपी० दुवैले आफ्नो घरमा खानतलासी गरेका पुष्टि गरेका हुन्।
अमेरिकी राष्ट्रपति डोनाल्ड ट्रम्पले शान्ति योजनाको मस्यौदा अगाडि बढाइरहेका बेला अमेरिकी सेना सचिव डान ड्रिस्कोल यस हप्ताको अन्त्यसम्ममा युक्रेन आइपुग्ने भएकाले जेलेन्स्की र उनका प्रमुखका लागि यो खानतलासी एकदमै असहज क्षण भएको खबरमा उल्लेख छ ।
यस महिना भ्रष्टाचार काण्डले युक्रेनलाई हल्लाएको छ, अनुसन्धानकर्ताहरूले ऊर्जा क्षेत्रमा भएको भनिएको १०० मिलियन डलरको हिनामिना काण्डमा धेरै प्रमुख सार्वजनिक व्यक्तित्वहरूलाई जोडेका छन् ।
