अमेरिकी उच्च भन्सार करका बावजुद पनि भारतबाट अमेरिकी बजारतर्फको निर्यातमा सुधार देखिएको छ । ट्रम्प प्रशासनले गएको अगस्ट २७ देखि भारतमाथि ५० प्रतिशत आयात कर लागू गरेको थियो, जसमा रूसबाट तेल किनेबापत थप २५ प्रतिशत जरिवाना पनि समावेश थियो ।

भन्सार कर लागू भएपछि भारतबाट अमेरिकातर्फको निर्यातमा तत्काल गिरावट आएको थियो । तर पछिल्ला तथ्यांकअनुसार सेप्टेम्बरमा ५ खर्ब ५ अर्ब डलर रहेको निर्यात अक्टोबरमा १४ दशलमव ५ प्रतिशत बढेर ६ खर्ब ३ अर्ब डलर पुगेको बीबीसीले जनाएको छ ।

यो सुधार भारतीय सरकारी तेल कम्पनीहरूले अमेरिकासँग वार्षिक एलपीजी आयात बढाउन सहमति जनाएका बेला देखिएको हो । साथै ट्रम्प प्रशासनले केही कृषि उत्पादनमा भने छूट दिएको छ, जसले भारतलाई राहत मिल्ने अपेक्षा छ ।

उता, व्यापार सम्झौताको प्रमुख बुँदामा छलफल सकिएको भारतीय अधिकारीहरूले बताएका छन् । भारतका वाणिज्य मन्त्री पीयूष गोयलले दुवै देशबीच कुनै प्रकारको व्यापारिक तनाव नरहेको र आपसी सम्बन्ध स्थिर रहेको बताएको खबरमा उल्लेख छ ।