काठमाडौं : प्रधानमन्त्री सुशीला कार्कीसँग निर्वाचन आयोगका पदाधिकारीहरूले भेटवार्ता गरेका छन् । प्रमुख कार्यवाहक निर्वाचन आयुक्त रामप्रसाद भण्डारी, आयुक्त डा. जानकीकुमारी तुलाधर, सगुन शमशेर जबराले आउँदो फागुन २१ गतेका लागि तोकिएको प्रतिनिधिसभा सदस्य चुनावबारे आज छलफल गरेकी हुन् ।

भेटवार्तामा निर्वाचन अयोगको तयारी, राजनीतिक दलहरूसँगको छलफल, दल दर्ता, मतदाता नामावली दर्तालगायतका विषयहरूमा प्रधानमन्त्री कार्कीले चासो राखेका हुन् ।

यसअघि पनि मतदाता नामावली सङ्कलनमा समस्या आइरहेको गुनासो आएसँगै प्रधानमन्त्री कार्कीले एक भिडियो सन्देश जारी गर्दै मतदाता नामावली सङ्कलन सहज बनाउन आग्रह गरेकी थिइन्।

आउँदो चुनावका लागि मतदाता नामावलीमा नाम सङ्कलन गर्न अब चार दिन बाँकी छ । चुनावबारेमा राजनीतिक दलहरू सशङ्कित भइरहेको बेलामा आयोगसँग प्रधानमन्त्रीले भेट गरेकी हुन् ।