अमेरिकी राष्ट्रपति डोनाल्ड ट्रम्पले ‘एच–वान बी’ भिसाको बचाउ गर्दै अमेरिकासँग पर्याप्त प्रतिभा नभएको र अन्य देशहरूबाट प्रतिभा ल्याउनुपर्ने बताएका छन् । फक्स न्युजसँगको अन्तर्वार्ताका क्रममा अमेरिकी राष्ट्रपति ट्रम्पले ‘एच–वान बी’ भिसाको बचाउ गरेका बीबीसीले जनाएको छ ।

अन्तर्वार्ताका क्रममा पत्रकारले दक्ष विदेशी कामदारका लागि एच–वान बी भिसालाई प्राथमिकता दिए अमेरिकी कामदारहरूको तलब बढाउने सरकारको लक्ष्य हासिल गर्न सहज हुने बताएका थिए ।

तर ट्रम्पले पत्रकारको तर्कलाई प्रतिवाद गर्दै प्रतिभा भित्र्याउन आवश्यक रहेको बताएका खबरमा उल्लेख छ । अमेरिकामा प्रतिभाशाली मानिसहरू छन् भन्ने पत्रकारको भनाइमा उनले आफूहरूसँग निश्चित प्रतिभाहरू नभएको जिकिर गरे ।

ट्रम्पले यस वर्षको सेप्टेम्बरमा ुएच–वान बीु भिसा आवेदकहरूको शुल्क बढाएर १ लाख अमेरिकी डलर पुर्‍याएका थिए । ‘एच–वान बी एक अस्थायी भिसा हो जसले अमेरिकी रोजगारदाताहरूलाई वैज्ञानिक, इन्जिनियर र शिक्षकजस्ता उच्च दक्ष सीप भएका विदेशी कामदारहरूलाई काममा राख्न अनुमति दिन्छ ।

ुएच–वान बीु भिसा अन्तर्गत अमेरिका जाने भारतीयहरूको सङ्ख्या धेरै छ । सन् २०२३ मा यो भिसा प्राप्त गर्नेमध्ये ७२ प्रतिशत भारतीय थिए भने दोस्रो स्थानमा १२ प्रतिशतसहित चिनियाँहरू थिए ।