काठमाडौं : नेकपा एमालेले सचिवालय बैठक १५ कात्तिकमा बोलाएको छ ।

‘यो बैठक महाधिवेशनको तयारीमा केन्द्रित हुनेछ । त्यसपछि निरन्तर सचिवालय बैठक बस्नेछ,’ केन्द्रीय संगठन विभाग सचिव माधव ढुंगेलले बताए ।

उनका अनुसार आगामी सचिवालय बैठकमा विधान प्रतिवेदन, महाधिवेशन प्रतिनिधि चयनको मापदण्ड लगायतबारे छलफल हुनेछ । असोज अन्तिम साता बसेको केन्द्रीय कमिटी बैठकले २७–३० मंसिरमा एघारौं महाधिवेशन पोखरामा गर्ने निर्णय गरेको छ ।