-
भारतको तमिलनाडुको करूरमा अभिनेता हुँदै नेता बनेका विजय चन्द्रशेखरको र्यालीमा भागदौड हुँदा कम्तिमा ३६ जनाको मृत्यु भएको छ । मृत्यु हुनेमा नेमा आठ बालबालिका र १६ जना महिला रहेका छन् ।
हिजो बेलुका विजयले आफ्नो तमिककगा वेत्री कडगम पार्टीको र्याली सम्बोधन गर्ने क्रममा भीड अनियन्त्रित हुँदा घटना भएको बीबीसी हिन्दीले जनाएको छ । भारतका राष्ट्रपति द्रौपदी मुर्मू, प्रधानमन्त्री नरेन्द्र मोदी, राज्यपाल आर।एन। रवि र कांग्रेस अध्यक्ष मल्लिकार्जुन खड्गेसहित विभिन्न नेताहरूले घटनाप्रति दुःख व्यक्त गर्नुभएको छ ।
मुख्यमन्त्री एम।के। स्टालिनले मृतकका परिवारलाई प्रतिपरिवार १० लाख क्षतिपूर्ति दिने घोषणा गर्नुभएको छ । साथै, घटनाको छानबिनका लागि उच्च न्यायालयका पूर्व न्यायाधीश अरुणा जगदीशनको अध्यक्षतामा आयोग गठन गरिएको छ ।
मुख्यमन्त्री स्टालिनले घाइतेको तत्काल उपचारका लागि निर्देशन दिनुभएको छ । र्यालीमा भीड अत्यधिक भएकाले भागदौड भएको र एम्बुलेन्सलाई घटनास्थलसम्म पुग्न समेत कठिनाइ भएको भारतीय सञ्चारमाध्यमले जनाएका छन् ।
