-
काठमाडौं : नक्कली भुटानी शरणार्थी प्रकरणका आरोपी टोपबहादुर रायमाझी र ३३ किलो सुनकाण्डका मुख्य आरोपी ‘गोरे’ भनिने चूडामणि उप्रेती कारागार फर्किएका छन् । जेन–जी प्रदर्शनका क्रममा भदौ २४ गते जेलबाट भागेका उनीहरू आज जेल फर्किएका हुन् ।
भदौ २४ गतेको हिंसात्मक प्रदर्शनपछि कारागारबाट १३ हजार ५ सय ९२ जना र सुधारगृहबाट ९ सय ६४ गरी जम्मा १४ हजार ५ सय ५६ जना कैदीबन्दी भागेका थिए ।
भागेकामध्ये आजसम्ममा कारागारका ६ हजार ६ सय ४३ र सुधारगृहका ३ सय ४१ गरी कुल ६ हजार ९ सय ८४ जना फर्किसकेका कारागार विभागले जनाएको छ ।
भदौ २४ गते देशभर गरी ३० हजार ६ सय ३९ कैदीबन्दी रहेकामा १५ हजार ५ सय २५ जना कैदीबन्दी भागेका थिएनन् ।
सम्बन्धित शीर्षकहरु
