काठमाडौं : जिल्ला प्रहरी परिसर काठमाडौंको प्रमुख फेरिएका छन् । प्रहरी प्रधान कार्यालय स्रोतका अनुसार एसएसपी रमेश थापालाई काठमाडौंको सुरक्षा नेतृत्व दिएर पठाइएको हो ।

यस्तै काठमाडौं प्रहरी प्रमुखको जिम्मेवारी सम्हालिरहेका एसएसपी विश्व अधिकारीलाई भने प्रहरी प्रधान कार्यालयमा तानिएको छ । थापा प्रहरी महानिरीक्षकको सचिवालयमा कार्यरत थिए ।

अधिकारी २०८१ माघ १५ मा काठमाडौं आएका थिए । रमेश थापा प्रहरी भित्र व्यवसायिक अधिकृतको रुपमा चिनिन्छन् । उनले एसपी हुँदा कास्की र उदयपुरको कमाण्ड गरेका थिए ।

जेनजी प्रदर्शनमा भदौ २३ मा काठमाडौंको नयाँ बानेश्वरमा अधिक बल प्रयोग भएको भनेर आलोचना भइरहेको छ ।

भिड नियन्त्रणमा चुकेको भन्दै अधिकारीलाई जिम्मेवारी मुक्त गरेर थापालाई ल्याएको गृह मन्त्रालयका एक जना उच्च अधिकृतले बताए ।