भारतमा २४२ जना मानिस सवार जहाज दुर्घटना भएको छ । आजतकका अनुसार दुर्घटनामा जहाजको अधिकांश हिस्सा जलेकोले त्यसमा सवार सबैको मृत्यु भएको आशंका गरिएको छ ।

अहमदावादबाट बेलायतको लण्डनको लागि उडेको एयर इन्डियाको बोइङ ७३७ जहाज गुजरातको राजधानी अहमदावाद नजिकैको मेघानीनगरमा विहिबार दिउंसो दुर्घटना भएको छ । जहाज उडान भए लगत्तै दुर्घटनामा परेको हो ।

जहाज दुर्घटना भएको क्षेत्रमा ठूलो आगोको मुस्लो देखिएको छ। साथै, कालो धुवाँ दूरबाटै देख्न सकिन्छ । अहिले त्यहाँ उद्धारको कार्य जारी छ । अग्नी नियन्त्रकहरुले आगो नियन्त्रण गर्न प्रयास गरिरहेका छन्। दैनिक भास्करका अनुसार आफ्नो संवाददाता घटनास्थलमा पुग्दा त्यहाँबाट छ जनाको शव निकालिएको पुष्टि भएको जानकारी दिएका छन्। यद्पि शव कसको भन्ने खुलेको छैन ।