

-
काठमाडौं ।
मधेस प्रदेशका प्रहरी प्रमुख डिआइजी यज्ञबिनोद पोखरेल कार्वाहीमा पर्ने भएका छन् । नेपाल बिद्यार्थी संघका एक नेतालाई प्रयोग गरेर व्यवसायीमार्फत उठाएको रकम पोखरेलको खातामा देखिएपछि उनीमाथि छानविन भईरहेको थियो । उनलाई केन्द्रीय कार्यालय झिकाएर कार्वाही गर्न लागिएको गृहमन्त्रालय स्रोतले जानकारी दिएको छ । त्यसका लागि आवश्यक फाईल गृहमन्त्रालय पुगिसेकेको छ ।उनले परिचालन गरेका अन्य घुमुवाहरुलाई प्रहरी प्रधान कार्यालयले झिकाएर सोधपुछ गरिरहेको छ ।
तराईमा घुमुवा र बिचौलियामार्फत तस्करीको लाइन खुलाएर अकुत आर्जन गरेको भेटिएपछि उनीमाथि छानविन अघि बढेको हो ।
डिआइजी पोखरेलले आफ्नो बैंक खाताबाटै लेनदेन गरेको प्रमाण भेटिएपछि अन्यलाई सचेत गराउँदै आइजिपी बसन्त कुँवरले सार्वजनिक रुपमै सुध्रिन अन्य प्रहरीलाई चेतावनी दिएका थिए । डिआइजी पोखरेलको खातामा पैसा हाल्ने जनकपुरका बिचौलिया जितेन्द्र कर्णलाई प्रहरीले पक्राउ गरेको छ ।नेविसंघका कार्यकर्ता समेत रहेका कर्णले डिआइजीको नाममा तस्करहरुसँग पैसा उठाउने र बुझाउने गर्दथे । यद्यपी डिआइजी पोखरेलले भने आफ्नो खातामा आएको रकम घुसको नभई छोरालाई विदेश पठाउन सापट मागेको दाबी गरेका छन् ।
केही समयअघि नै उनलाई पक्राउ गर्न खोजिएपनि स्थानीयले अवरोध गरेका थिए । पोखरेलले विभिन्न नाकामा घुमुवा राखेर पैसा उठाएको समेत पुष्टि भएको छ । उनले खटाएका घुमुवाहरू सई चन्द्रप्रसाद यादब, असई उपेन्द्र प्रसाद यादब, वरिष्ठ हवल्दार निरज कुमार साह, हवल्दार बच्चेलाल यादब, बृजेश मुखिया, शैलेन्द्रप्रसाद कुर्मी, सहायक हवल्दार अशोक कुमार यादब, ईश्वर अच्छामी, मुकुन्द शर्मा र जवान सतेशलाल कायस्थलाई उजुरी छानविन शाखाले गणमा राखेर छानविन गरिरहेको छ । उनीहरु डिआइजीको घुमुवाका रुपमा विभिन्न कार्यालयमा खटाइएका थिए ।
सई चन्द्रप्रसाद यादब, धनुषाको प्रहरी चौकी दुहबी तथा असई उपेन्द्र प्रसाद यादब सप्तरीको प्रहरी चौकी मोहवामा कार्यरत थिए । वरिष्ठ हवल्दार निरज कुमार साह जिप्रका धनुषा, हवल्दार बच्चेलाल यादब, जिप्रका बारा, बृजेश मुखिया इप्रका बालाङखा, शैलेन्द्रप्रसाद कुर्मी इप्रका निजगढ, सहायक हवल्दार अशोक कुमार यादब प्रहरी चौकी जनकपुरधाम, ईश्वर अच्छामी, मधेस प्रदेश प्रहरी कार्यालय, जनकपुर, मुकुन्द शर्मा प्रहरी चौकी कपिलेश्वर धनुषा र जवान सतेशलाल कायस्थ जिप्रका धनुषामा कार्यरत थिए ।
पोखरेलमाथिको छानविन प्रतिवेदन गृहमा बुझाईएपछि उनललाई काठमाडौं तान्ने निर्णय गर्न लागिएको गृहस्रोतले जानकारी दियो ।
News Desk 0 response मङ्लबार, भदौ २५, २०८१

सम्बन्धित शीर्षकहरु
-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
श्रीमतीको कुर्सीमा श्रीमान् !
शुक्रबार, मंसिर ५, २०८३ -
छठ पर्व : अस्ताउँदो सूर्यलाई अर्घ्य दिइयो
आइतवार, कार्तिक ३०, २०८३ -
स्थानीय तह निर्वाचन गर्ने मिति मंसिर पहिलो..
सोमवार, मंसिर १, २०८३ -
अब हरेक कार्यालयले ई–पेन्सन सेवा दिनुपर्ने
शुक्रबार, कार्तिक २८, २०८३


