चीनको सिगात्से सिटीले भोटेकोशी गाउँपालिकालाई बिपद् व्यवस्थापन तथा पूर्व तयारीका सामान हस्तान्तरण गरेको छ ।

भोटेकोशी गाउँपालिकाको कार्यालयमा सिगात्से सिटीका पदाधिकारी आएर सामान हस्तान्तरण गरिएको हो । सिगात्से नेपाल र चीनको भोटेकोशी गाउँपालिका नजिकको सिटी हो ।

भोटेकोशी पालिका बाढीपहिरोको उच्च जोखिममा रहेको छ । यहाँका धेरै बस्तीहरु बसोवासका लागि खतरायोग्यसमेत छन् । यही बिषयमा ध्यानकर्षण गर्दै छिमेकी देशको सिटीले सहयोग गरेको हो ।

यी सामानहरु आवश्यक स्थानमा उचित बेलामा प्रयोग गरिने भोटेकोशी वडा नम्वर २ का अध्यक्ष कुमार श्रेष्ठले बताए । सहयोग आएको समानहरु बिपत्तिका बेला औधी उपयोगी हुने किसिमका रहेका छन् ।

यसको नेपाली मुल्य झण्डै चालिस लाख रुपैयाँ पर्ने बताईएको छ । यस कार्यको निम्ति भूमिका निर्बाह गर्नेे वडा सदस्य चेङा शेर्पा तथा मितेरी युवा क्लबका अध्यक्ष लोप्साङ शेर्पालाई धेरै धेरै धन्यवाद पनि वडाअध्यक्ष श्रेष्ठले दिएका छन् ।