काठमाडौं : श्रीलङ्कालाई हराउँदै भारत काभा महिला भलिबल लिगको फाइनलमा पुगेको छ ।

काठमाडौं को त्रिपुरेश्वरमा रहेको राष्ट्रिय खेलकुद परिषद् ९राखेप० को कभर्डहलमा आज भएको पहिलो सेमिफाइनलमा भारतले श्रीलङ्कालाई ३–० को सोझो सेटमा हरायो । भारतले पहिलो सेट २५–१५, दोस्रो सेट २५–१६ र तेस्रो सेट २५–२३ ले जित्यो ।

यस्तै आजै दोस्रो सेमिफाइनलमा अहिले बेलुकी सवा ५ बजे नेपाल र इरान खेल्दैछन् । नेपाल लिगको दोस्रो र इरान तेस्रो स्थानमा रहँदै अन्तिम चारमा पुगेका हुन् । यो खेलको विजेताले उपाधिका लागि भोलि भारतसँग खेल्नेछ ।

पाँच वटा देश सहभागी प्रतियोगितामा माल्दिभ्स एक अङ्क पनि नजोडी लिगबाटै बाहिरिएको थियो ।