

-
काठमाडौं : रातो मच्छिन्द्रनाथको रथलाई अहिले लगनखेलको थतिटोलबाट जावलाखेलतर्फ तान्न थालिएको छ । गुठी संस्थान ललितपुरका प्रमुख वैकुण्ठ आचार्यले दिनुभएको जानकारीअनुसार पाटन क्षेत्रका स्थानीयवासीसहित चन्द्रागिरि र कीर्तिपुर नगरपालिकाका सातगाउँवासीले संयुक्त रूपमा रथलाई तानेर आज जावलाखेल पुर्याइनेछ ।
सातगाउँमा सतुङ्गल, नैकाप, मछ्छेगाउँ, पाँगा, न गाउँ, बोशी गाउँ र कीर्तिपुर छन् । चन्द्रागिरि नगरपालिकाका मेयर घनश्याम गिरीले परम्परागत बाजा, झाँकीसहित रातो मच्छिन्द्रनाथको रथ तानिने जानकारी दिए ।
आज रथ तान्नका लागि हिजो बेलुकी रथको टुप्पोबाट नरिवल खसालिएको थियो । रथको टुप्पोबाट दुई पटक नरिवल खसाल्ने परम्परा छ । रथलाई आजै जावलाखेल पुर्याउन सके आउँदो आइतवार भोटो जात्रा हुनेछ । लगनखेलमा रहेको रथलाई जवलाखेलमा पुयाइएको चार दिनमा भोटो देखाउने परम्परा छ । भोटो जात्रापछि रातो मच्छिन्द्रनाथलाई खटमा राखेर बुङ्गमती लगिनेछ भने मीननाथलाई रथमा राखेर टङ्गल लगिनेछ । त्यससँगै यस वर्षको रातो मच्छिन्द्रनाथको रथयात्रा सकिनेछ ।
रथलाई लगनखेलबाट जावलाखेल तान्नका लागि गएको जेठ १७ ज्योतिषहरूले आजको साइत निकालेका थिए । रथयात्राका लागि ललितपुर महानगरपालिकाले सडकका खाल्डाखुल्डी पुर्नुका साथै सडक वारपार रहेका तार हटाएको छ । रथ तान्ने क्षेत्रमा बाक्लो सङ्ख्यामा सुरक्षाकर्मी खटाइएको छ । यस्तै अहिले रथ तान्ने क्षेत्रमा चहलपहल बढेको छ ।
गएको वैशाख २७ गते बिहीवार रातो मच्छिन्द्रनाथको मूर्तिलाई पुल्चोकमा रथारोहणका गरेसँगै नेपालको सबैभन्दा लामो जात्रा मानिने यो जात्रा शुरू भएको थियो । रातो मच्छिन्द्रनाथको मूर्ति मच्छिन्द्रबहालको मन्दिरबाट बोकेर रथारोहण गरेपछि जात्रा विधिवत् रूपमा शुरू भएको थियो । रथयात्रा आरम्भ भएपछि नगरका विभिन्न ठाउँ गावहाल, मङ्गलबजार, सुन्धारा, लगनखेल हुँदै जावलाखेलमा लगेर भोटो देखाइ समापन गर्ने गरिन्छ ।
ललितपुर महानगरपालिकाका मेयर चिरीबाबु महर्जनका अनुसार रातो मच्छिन्द्रनाथको रथ जात्रा सम्पन्न भएको जानकारी दिन यस पटकदेखि भोटो देखाएको भोलिपल्ट सप्तपातल पोखरीमा माछा छोडिनेछ । रातो मच्छिन्द्रनाथको जात्रा सकिएपछि जोडी परेवा उडाएर मत्र्यमण्डलमा र पोखरीमा जोडी माछा छोडेर पालाल जानकारी दिनुपर्छ भन्ने किंवदन्ती छ, सप्तपाताल पोखरीको विनाशसँगै यो प्रचलन रोकिएको थियो, यसपटक पोखरीको पुनर्निर्माण गरिसकेकाले अब यो परम्परा पुनर्जीवित हुनेछ ।
News Desk 0 response बिहिबार, साउन १७, २०८१

सम्बन्धित शीर्षकहरु
-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
श्रीमतीको कुर्सीमा श्रीमान् !
शुक्रबार, मंसिर ५, २०८३ -
छठ पर्व : अस्ताउँदो सूर्यलाई अर्घ्य दिइयो
आइतवार, कार्तिक ३०, २०८३ -
स्थानीय तह निर्वाचन गर्ने मिति मंसिर पहिलो..
सोमवार, मंसिर १, २०८३ -
अब हरेक कार्यालयले ई–पेन्सन सेवा दिनुपर्ने
शुक्रबार, कार्तिक २८, २०८३


