काठमाडौं : भुटानमा राजनीतिक बन्दीको जीवन बिताइरहेका रामबहादुर राई ३१ वर्षपछि कारागारबाट छुटेका छन् । उनी थिम्पुको चेमगाङ केन्द्रीय कारागारबाट गएको शुक्रवार ३१ वर्ष १० महिनापछि छुटेका हुन् । ६६ वर्षीय राई कारागारबाट रिहा भएपछि हिजो नेपालको बेलडाँगीमा रहेको भुटानी शरणार्थी शिविरमा आइपुगेका छन् ।

राई पहिले बेलडाँगी–१ सेक्टर सी मा भुटानी शरणार्थीको रूपमा बस्दै आएका थिए । पछि उनी भुटान गएर राजनीतिक पर्चा बाँड्दै गर्दा पक्राउ परे । राईलाई भुटानमा देशद्रोहीको संज्ञा दिँदै राष्ट्रिय सुरक्षा ऐनअन्तर्गत जेल सजाय भएको थियो ।