

-
काठमाडौं : बङ्गलादेश सरकारले नेपालबाट बिजुली आयातको विषयलाई विशेष प्राथमिकतामा राखेको जनाएको छ । बङ्गलादेश भ्रमणमा रहेका भारतीय उच्च आयुक्त प्रणय वर्मासँगको भेटमा बङ्गलादेशका ऊर्जा र खनिज स्रोत राज्यमन्त्री नसरुल हमिदले भारतसँगै नेपालबाट बिजुली आयातलाई पनि विशेष प्राथमिकतामा राखेको बताएका हुन् ।
बङ्गलादेशी सञ्चारमाध्यम ‘ढाका ट्रिब्युन’ का अनुसार राज्यमन्त्री हमिदले भारत र नेपालबाट नौ हजार मेगावाट बिजुली आयातका लागि बङ्गलादेश तयार रहेको बताएका छन् । आफ्नो देशलाई नवीकरणीय ऊर्जाको आवश्यकता निकै बढ्दै गएको अवस्थामा नेपाल र भारतलगायतका छिमेकीबाट स्वच्छ उर्जा आयात गर्नु पहिलो प्राथमिकता हुने पनि उनले बताएका खबरमा उल्लेख छ । उनले पछिल्लो समय नेपाल र भुटानबाट जलविद्युत् खरिदको प्रक्रियाले राम्रो प्रगति भइरहेको पनि जानकारी दिए ।
शुरुवाती चरणमा नेपालबाट ४० मेगावाट बिजुली आयात गर्ने विषयमा आउँदो महिना सम्झौता हुने पनि राज्यमन्त्री हमिदको भनाइ छ । यस्तै भारतीय कम्पनी जीएमआरले नेपालमा बनाउने आयोजनाबाट पाँच सय मेगावाट बिजुली आयात गर्ने विषय पनि अन्तिम चरणमा पुगेको उनले जानकारी दिए । यदि नेपालबाट बङ्गलादेशसम्मको डेडिकेटेड प्रसारण लाइन भएमा विद्युत् व्यापारले गति लिने र यसले भारतलाई पनि फाइदा पुग्ने बङ्गलादेशका ऊर्जा र खनिज स्रोत राज्यमन्त्री नसरुल हमिदले बताएका छन् । उनले नेपाल, भारत र बङ्गलादेशले ऊर्जाको क्षेत्रमा ठूलो सहकार्य गर्न सक्ने पनि बताउनुभएको खबरमा उल्लेख छ ।
बङ्गलादेशमा नेपालबाट बिजुली निर्यात गर्ने विषयमा दुई हप्ताअघि नेपाल विद्युत् प्राधिकरणको टोली बङ्गलादेश गएको थियो । तर महसुलको विषयमा कुरा नमिलेपछि टोली अर्को महिना फेरि छलफल गर्ने सहमतिसहित फर्किएको थियो ।
News Desk 0 response मङ्लबार, फाल्गुन २२, २०८०

सम्बन्धित शीर्षकहरु
-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
श्रीमतीको कुर्सीमा श्रीमान् !
शुक्रबार, मंसिर ५, २०८३ -
प्रधानमन्त्री बालेन र मोदीबीच ७ गते हैदरावाद..
शुक्रबार, मंसिर ५, २०८३ -
प्रधानमन्त्रीको भारत भ्रमण मन्त्रिपरिषद्बाट स्वीकृत
शुक्रबार, मंसिर ५, २०८३ -
असोजमा भित्रियो कीर्तिमानी रेमिट्यान्स, एकै महिनामा २..
बिहिबार, मंसिर ४, २०८३ -
ट्रम्प, सी र पुटिन भेट : युक्रेन..
बिहिबार, मंसिर ४, २०८३
-
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
श्रीमतीको कुर्सीमा श्रीमान् !
शुक्रबार, मंसिर ५, २०८३ -
छठ पर्व : अस्ताउँदो सूर्यलाई अर्घ्य दिइयो
आइतवार, कार्तिक ३०, २०८३ -
स्थानीय तह निर्वाचन गर्ने मिति मंसिर पहिलो..
सोमवार, मंसिर १, २०८३ -
अब हरेक कार्यालयले ई–पेन्सन सेवा दिनुपर्ने
शुक्रबार, कार्तिक २८, २०८३


