काठमाडौं : पेट्रोलियम पदार्थको मूल्य अन्तर्राष्ट्रिय रुपमा घटेसँगै नेपाल आयल निगम विस्तारै नाफामा जान थालेको छ । घाटामा रहेको भन्दै पेट्रोलियम पदार्थको मूल्य घटाउन नचाहेको नेपाल आयल निगम नाफामा जान थालेपछि मूल्य केही घटाउने अपेक्षा गर्न थालिएको छ ।

पेट्रोलियम पदार्थको मूल्य अन्तर्राष्ट्रिय रुपमा घटेसँगै नेपाल आयल निगम विस्तारै नाफामा जान थालेको छ । इन्डियल आयल निगम (आइओसी)ले हरेक १५ दिनमा अन्तर्राष्ट्रिय बजार मूल्यमा भएको परिवर्तन अनुसार आयल निगमलाई मूल्य पठाउने गर्दछ । कुनै समय पाक्षिक रुपमा आइओसीलाई तिर्नुपर्ने रकम समेत बाँकी राख्न थालेको निगमले अहिले भने सो रकम चुक्ता गरेको छ ।

अन्तर्राष्ट्रिय बजारमा बढेको पेट्रोलियम पदार्थको मूल्य अनुसार आन्तरिक बजारमा पेट्रोलियम पदार्थको मूल्य बढाउन सरकारले निषेध गर्दा निगमको घाटा एकदमै चुलिएको थियो । आयल निगमले भारतीय आयल निगमलाई नै ३० अर्ब भन्दा बढी तिर्नुपर्ने भइसकेको थियो भने निगमले राष्ट्रिय वाणिज्य बैंकबाट ३ अर्ब र सरकारबाट ७ अर्ब ऋण समेत लिएको थियो ।