काठमाडौं : आइतबार भएको प्रतिनिधि सभा र प्रदेश सभा सदस्य निर्वाचनको मतगणना सोमबार देशभरि हुने भएको छ। निर्वाचन अधिकृतका कार्यालयहरूका अनुसार केही ठाउँमा मत गणना सुरू भइसकेको छ भने केही ठाउँमा सोमबार बिहानदेखि मतगणना सुरू गर्ने तयारी भइरहेको छ।

पछिल्लो प्राप्त जानकारी अनुसार अहिलेसम्म काठमाडौं– ७, भक्तपुर–२, ललितपुर २ र ३ को मतगणना सुरू भइसकेको छ। काठमाडौंका बाँकी ९ वटा क्षेत्रको मतगणना पनि अहिले ८ बजेदेखि सुरू हुँदै छ।

देशका अरू जिल्लामा पनि मतगणनाको तयारी थालिएको छ।

निर्वाचन आयोगको प्रारम्भिक विवरणअनुसार यसपटक ६१ प्रतिशत मतदान भएको छ। यो निर्वाचन आयोगको अपेक्षाभन्दा कम हो।