दाङ : तुलसीपुर बसपार्कमा रहेको एक किराना पसलमा आगलागी हुँदा लाखौँको क्षति भएको छ ।

गएराति विशाल किराना पसलमा आगलागी हुँदा खाद्यान्न, बिस्कुट, चाउचाउ लगायतका सामग्री जलेर नष्ट भएको हो।

तुलसीपुर उपमहानगरपालिकाको दमकल, स्थानीयवासी, सशस्त्र प्रहरी, जनपथ प्रहरीको सहयोगमा आगो निभाइएको इलाका प्रहरी कार्यालय तुलसीपुरले जनाएको छ ।

आगलागीको कारण र क्षतिको विस्तृत विवरण भने आइसकेको छैन।