• जुम्ला : जुम्लाको तिला गाउँपालिकाको अध्यक्षमा माओबादी केन्द्रका मोतिलाल रोकाया र उपाध्यक्षमा गोरीकला बुढा विजयी भएका छन ।

    रोकायाले नेपाली कांग्रेसका एकराज उपाध्यायलाई २१ मत अन्तरले पराजित गरेका हुन् । उनले १ हजार ९ सय ३६ मत प्राप्त गरे । उनका प्रतिद्धन्द्धी नेपाली कांग्रेसका एकराज उपाध्यायले १ हजार ९ सय १५ मत प्राप्त गरे ।

    त्यस्तै उपाध्यक्ष तर्फ नेकपा माओबादी केन्द्रकी गोरीकला बुढा (कल्पना) विजयी भइन्। उनले २ हजार ४ मत प्राप्त गरिन् । उनको प्रतिद्धन्द्धी कांग्रेसकी सुस्मा श्रेष्ठले भने १ हजार ८ सय ७ मत प्राप्त गरिन् ।

    २०७४ को निर्वाचनमा तिला गाउँपालिकामा नेकपा एमालेबाट रतन नाथ योगी अध्यक्षमा निर्वाचित भएका थिए । माओवादी केन्द्रकी बिष्णुमाया बुढा उपाध्यक्षमा निर्वाचित भएकी थिइन् ।

    यस पटक तिला गाउपालिकामा ६ हजार ३ सय ३१ मत खसेको थियो । तिलामा जित हासिल गरेसँगै नेकपा माओबादी केन्द्रले दुई पालिका अध्यक्ष र ४ उपाध्यक्ष जितेको छ ।