-
गोरखा : गोरखा नगरपालिकाको मेयर पदमा नेत्रविक्रम चन्द विप्लव समूहका नेता योगेन्द्र कुमालले मनोनयन दर्ता गराएका छन्। आज आइतवार निर्वाचन अधिकृतको कार्यालयमा पुगेर कुमालले मेयरमा स्वतन्त्र उम्मेदवारी दिएका हुन् ।
विप्लव नेतृत्वको नेपाल कम्युनिस्ट पार्टी निर्वाचन आयोगमा दर्ता भएको छैन । त्यसैले कुमालले स्वतन्त्र उम्मेदवारी दिएका पार्टीका जिल्ला सेक्रेटरी कपिल भट्टले जानकारी दिए ।
गोरखा नगरपालिका १२ का ४८ वर्षीय कुमाल पार्टीको विशेष समिति सदस्य हुन् । उनको प्रस्तावकमा वीरबहादुर कुमाल र समर्थकमा डिलकुमारी कुमाल रहेका छन् ।
