-
काठमाण्डौ : अखिल नेपाल फुटबल सङ्घ एन्फाको आसन्न चुनावका लागि’बी’ र ‘सी’ डिभिजनका क्लबको प्रतिनिधि छनोट स्थगित भएको छ ।
एन्फा विधान र निर्देशिका विपरीत कार्यसमितिमा रहेका सदस्य क्लबका प्रतिनिधि बनेर आएपछि ‘बी’ र ‘सी’ डिभिजन क्लबको हिजोका लागि तय भएको चुनावी प्रक्रिया स्थगित भएको हो ।
कार्यसमिति सदस्यद्वय दावा लामा र रुपेश अधिकारी क्रमशस् प्लानिङ ब्वाइज र साङ्ग्रिला स्पोर्टस् एकेडेमी तथा कोषाध्यक्ष रविन्द्र जोशी पुल्चोक स्पोर्टस् क्लबबाट प्रतिनिधिको रुपमा आएपछि निर्वाचन प्रक्रिया प्रभावित बनेको हो ।
क्लबका केही प्रतिनिधिले चुनावी प्रक्रियाप्रति असन्तुष्टि जनाउँदै एन्फा कार्यालयको कम्प्युटर, टेबल, कुर्सी र प्रिन्टर तोडफोड समेत गरेका छन् ।
