काठमाडौं । स्वास्थ्य तथा जनसंख्या मन्त्रालयको तथ्यांकअनुसार कोरोना भाइरसका कारण नेपालमा हालसम्म मृत्यु हुनेको संख्या ७० पुगेको छ । मन्त्रालयका प्रवक्ता डा. जागेश्वर गौतमले मन्त्रालयको नियमित कोभिड–१९ ब्रिफिङका क्रममा पछिल्लो २४ जनामा थप ५ जनाको मृत्यु भएको पुष्टि गरेसँग मृत्यु हुनेको संख्या ७० पुगेको हो ।

मृत्यु हुनेहरु पर्सा वीरगन्जका तीन, सिरहा र सर्लाहीका एक–एक जना रहेका छन् ।

मन्त्रालयका अनुसार नेपालमा हालसम्म कुल संक्रमितको संख्या २२ हजार २१४ पुगेको छ । शुक्रबारमात्र ४६४ जनामा कोरोना पुष्टि भएको छ । त्यसैगरी हालसम्म कोरोना जितेर निको हुनेको संख्या १५ हजार ८१४ पुगेको छ । त्यस्तै अहिले सक्रिय संक्रमितको संख्या ६ हजार ३३० रहेको छ । देशभरिका विभिन्न क्वारन्टीनमा रहनेको संख्या १० हजार २०५ पुगेको छ ।