काठमाडौँ । नेपालमा शनिबार नै फेरी थप ३ जनामा कोरोना भाइरसको संक्रमण पुष्टि भएको छ। योसँगै नेपालमा कोरोना संक्रमितको संख्या २ सय ७६ जना पुगेको छ ।

स्वास्थ्य मन्त्रालयका सहप्रवक्ता डा समिरकुमार अधिकारीका अनुसार प्रादेशिक जनस्वास्थ्य प्रयोगशाला, भैरहवामा परीक्षण गर्दा कपिलवस्तु, शिवराज न.पा. चन्द्रौटा निवासी २५, ३४, ४४ वर्षीय पुरुषहरुमा कोरोना संक्रमण पुष्टि भएको हो । संक्रमित सबैको स्वास्थ्य अवस्था सामान्य र स्वास्थ्यकर्मीको सम्पर्कमा रहेको मन्त्रालयले जनाएको छ ।

यसअघि आज नै राष्ट्रिय जनस्वास्थ्य प्रयोगशालामा परीक्षण गर्दा बर्दिया, पर्सा, सिरहा, सर्लाही र चितवन निवासी ६ जनामा कोरोना संक्रमण पुष्टि भएको थियो ।