

-
काभ्रेपलाञ्चोक । विभिन्न मुलुकबाट गत फागुनयता घर फर्किएका सबैको र्यापिड डायग्नोष्टिक टेष्ट (आरडिटी) बाट कोरोना परीक्षण गरिएको छ । स्थानीयस्तरमै गरिएको आरडिटीमा सबैको ‘रिपोर्ट नेगटिभ’ देखिएको छ ।
जिल्लास्थित स्थानीय तह स्वास्थ्य शाखाको समन्वयमा विदेशबाट आएका ४५८ कै कारोना भाइरस परीक्षण नेगेटिभ आएको जिल्ला स्वास्थ्य कार्यालय प्रमुख डा नरेन्द्र झाले बताए । उनका अनुसार चैत महिनामा मात्रै घर फर्किएका २५१ जनाको पहिलो चरणमा आरडिटी गरिएको हो । “विदेशबाट जिल्लामा फर्किएकामध्ये पहिलो र दोस्रो चरणमा गरिएको आरडिटीमा सबैको रिपोर्ट नेगेटिभ आएको छ”, झाले भने । कार्यालयले विदेशबाट फर्कने सबैको आरडिटी सकिएको र कुनै व्यक्तिमा पनि कारोना भाइरस सङ्क्रमण नभएको पुष्टि गरेको छ ।
झाका अनुसार विदेशबाट घर फर्किएकामध्ये आरडिटीमा मण्डनदेउपुर नगरपालिका र बेथानचोक गाउँपालिकाको दुई जनामा सङ्क्रमण शङ्का लागेकामा दोस्रो परीक्षण पोलिमरेज चेञ्ज रियाक्सन (पिसीआर) मा नेगेटिभ देखिएको हो । स्वास्थ्य कार्यालयका अनुसार फागुन १५ गतेयता ४५८ जना विदेशबाट घर फर्किएको तथ्याङ्क प्राप्त भएको छ । आरडिटीका लागि काभ्रेपलाञ्चोकमा वाग्मती प्रदेशस्थित सामाजिक विकास मन्त्रालयद्वारा ५०० र सङ्घीय कार्यालयद्वारा प्राप्त ४०० किट उपलब्ध गराइएको थियो । विदेशबाट आएकाको चैत अन्तिम सातादेखि परीक्षण थालिएको हो ।
विदेशबाट फर्किएका आठलाई मण्डनदेउपुर नगरस्थित क्यारेन्टाइनमा राखिएकामा उनीहरुको क्वारेन्टाइन बसाइ अवधि सकिएपछि स्वास्थ्य परीक्षण गरी (होम क्वारेन्टाइन) पठाइएको थियो । अन्य स्थानीय तहमा विदेशबाट फर्किएकालाई स्थानीय तहका स्वास्थ्यकर्मीद्वारा प्रारम्भिक परीक्षण गरी होम क्वारेन्टाइनमै बसाइएको झाले जानकारी दिए । उनका अनुसार विदेशबाट फर्किएकाको परिवार तथा उनीहरुसँग सम्पर्कमा आएका व्यक्तिको पहिचान भइरहेको छ । पहिलो चरणमा मण्डनदेउपुर नपा र बेथानचोक गाउँपालिकाबाट खोजीकार्य भइरहेको जनाइएको छ । “सम्पर्कमा आएका व्यक्तिको खोजी गर्दैछौँ, भाइरस सङ्क्रमण शङ्कास्पद देखिएमा परीक्षण गर्दै जानेछौँ”, झाले भने ।
जिल्लाका तेह्र स्थानीय तहले २८८ श्ययाको क्वारेन्टाइन व्यवस्थित गरेका छन, जसमध्ये धुलिखेल नपामा ६५, बनेपा नपामा ५०, पनौती नपामा १०, नमोबुद्ध नपामा १८, पाँचखाल नपामा ११ श्यया तथा रोशी गाउँपालिकामा १०, महाभारतमा ३५, भुम्लुमा ३०, बेथानचोकमा १०, तेमालमा चार र खानीखोला गाउँपालिकामा १५ श्ययाको क्वारेन्टाइन व्यवस्थित गरिएको हो । ती क्वारेन्टाइन भने हाल रित्तिएको अवस्थामा छन् ।
धुलिखेल अस्पतालमा आठ र बनेपास्थित शिर मेमोरियल अस्पतालमा पाँच श्ययाको आइसोलेसनकक्ष व्यवस्थित गरिएको छ । काभ्रेपलाञ्चोकमा छ नगरपालिका र सात गाउँपालिका छन् ।
News Desk 0 response बिहिबार, बैशाख ११, २०७७

सम्बन्धित शीर्षकहरु
प्रधानमन्त्रीको दिल्ली भ्रमण : नेपालको आर्थिक भविष्य बदल्ने अवसर कि पुरानै आश्वासन ?
बुधबार, मंसिर ३, २०८३
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक निकाय नै मौन
सोमवार, मंसिर १, २०८३-
प्रधानमन्त्रीको दिल्ली भ्रमण : नेपालको आर्थिक भविष्य..
बुधबार, मंसिर ३, २०८३ -
ट्रम्प चीनमाः सी र पुटिनसँग त्रिपक्षीय शिखर..
बुधबार, मंसिर ३, २०८३ -
एनपीएल : सुदूरपश्चिमलाई ६ विकेटले पराजित गर्दै..
मङ्लबार, मंसिर २, २०८३ -
सहकारी ठगी : ढोरपाटनका मेयर देवकुमार नेपालीलाई..
मङ्लबार, मंसिर २, २०८३ -
सिन्धुलीको अधेरी खोलामा माइक्रोबस दुर्घटना, १४ जना..
मङ्लबार, मंसिर २, २०८३
-
प्रधानमन्त्रीको दिल्ली भ्रमण : नेपालको आर्थिक भविष्य..
बुधबार, मंसिर ३, २०८३ -
सहकारी ठगी : ढोरपाटनका मेयर देवकुमार नेपालीलाई..
मङ्लबार, मंसिर २, २०८३ -
सिन्धुलीको अधेरी खोलामा माइक्रोबस दुर्घटना, १४ जना..
मङ्लबार, मंसिर २, २०८३ -
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
स्थानीय तह निर्वाचन गर्ने मिति मंसिर पहिलो..
सोमवार, मंसिर १, २०८३
-
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
सर्वोच्चका नवनियुक्त ४ न्यायाधीशले शपथ लिए
शुक्रबार, कार्तिक २८, २०८३ -
छठ पर्व : अस्ताउँदो सूर्यलाई अर्घ्य दिइयो
आइतवार, कार्तिक ३०, २०८३ -
अब हरेक कार्यालयले ई–पेन्सन सेवा दिनुपर्ने
शुक्रबार, कार्तिक २८, २०८३ -
काठमाडौंबाट रारा जाँदै गरेको जीप मुगुमा दुर्घटना,..
आइतवार, कार्तिक ३०, २०८३


