

-
काठमाडौँ । राष्ट्रिय ट्रमा सेन्टरले औषधि पसल विस्तार गर्ने तयारी गरेको छ । अस्पतालको आन्तरिक स्रोत बढाउन हाल एउटा मात्रै पसल रहेकामा थप दुईवटा सञ्चालनको तयारी गरेको छ । अस्पताल प्रशासनले एउटा शल्यक्रिया कक्ष नजिक, एउटा आकस्मिक कक्ष र अर्को गेटबाट छिर्नासाथ पसल स्थापना गर्ने जनाएको छ । माथिल्लो तहमा रहेका पसलले अस्पतालमा रहेका बिरामीलाई थप सहज हुने अस्पतालका कामु प्रमुख मेडिकल सुपरटेन्डेन्ट प्रमोदकुमार यादवले बताउनुभयो । अस्पताल प्रवेश गर्नासाथको पसल यहाँका बिरामी मात्रै नभएर बाहिरबाट आएका बिरामीलाई समेत लक्षित हुने उहाँको भनाइ छ ।
अस्पतालले सहुलियत दरमा औषधि बिक्री गर्दासमेत त्यो रकम अस्पतालका लागि आन्तरिक आम्दानी हुनसक्ने उहाँले बताउनुभयो । उहाँका अनुसार उक्त आम्दानी अस्पतालले दैनिक ज्यालादारी कर्मचारीको सुविधामा वा अस्पतालकै लागि खर्च गर्न सक्नेछ । उहाँले भन्नुभयो, “बाहिर उपचार गराइरहेका बिरामीलाई समेत सहुलियतमा औषधि पाउने हुँदा सहज हुनसक्छ ।”
अस्पतालमा अहिले रहेको औषधि पसल बाहिरबाट देखिने ठाउँमा नभएकाले गेटबाहिरैबाट देखिने स्थानमा सार्ने तयारी भइरहेको पनि यादवले बताउनुभयो । बाहिर महँगो क्लिनिक वा नर्सिङ होममा उपचार गराइरहेका बिरामीसमेत सस्तो मूल्यमा औषधि किन्न अस्पताल आउने विश्वास गरिएको छ ।
विभिन्न खालका घाइतेको एकै ठाउँमा उपचार गर्ने उद्देश्यले स्थापना भएको सो अस्पताल विस्तार र स्तरोन्नतिको समेत तयारी भइरहेको छ । सबै प्रदेशमा ट्रमा सेन्टर स्थापना हुँदा यसलाई अनुसन्धान केन्द्रका रूपमा विकास गर्दै जाने लक्ष्य लिइएको अस्पताल प्रशासनले जनाएको छ । रासस
News Desk 0 response मङ्लबार, माघ २१, २०७६

सम्बन्धित शीर्षकहरु
-
एनपीएल : सुदूरपश्चिमलाई ६ विकेटले पराजित गर्दै..
मङ्लबार, मंसिर २, २०८३ -
सहकारी ठगी : ढोरपाटनका मेयर देवकुमार नेपालीलाई..
मङ्लबार, मंसिर २, २०८३ -
सिन्धुलीको अधेरी खोलामा माइक्रोबस दुर्घटना, १४ जना..
मङ्लबार, मंसिर २, २०८३ -
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
स्थानीय तह निर्वाचन गर्ने मिति मंसिर पहिलो..
सोमवार, मंसिर १, २०८३
-
सहकारी ठगी : ढोरपाटनका मेयर देवकुमार नेपालीलाई..
मङ्लबार, मंसिर २, २०८३ -
सिन्धुलीको अधेरी खोलामा माइक्रोबस दुर्घटना, १४ जना..
मङ्लबार, मंसिर २, २०८३ -
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
स्थानीय तह निर्वाचन गर्ने मिति मंसिर पहिलो..
सोमवार, मंसिर १, २०८३ -
त्रिभुवन विमानस्थलबाट आधा किलोभन्दा धेरै सुनसहित चिनियाँ..
सोमवार, मंसिर १, २०८३
-
एक्सट्रिम इनर्जी ड्रिङ्कले गरेको जनस्वास्थ्यमाथिको खेलबाडमा नियामक..
सोमवार, मंसिर १, २०८३ -
सर्वोच्चका नवनियुक्त ४ न्यायाधीशले शपथ लिए
शुक्रबार, कार्तिक २८, २०८३ -
छठ पर्व : अस्ताउँदो सूर्यलाई अर्घ्य दिइयो
आइतवार, कार्तिक ३०, २०८३ -
श्रमिकको पारिश्रमिक तथा सामाजिक सुरक्षासम्बन्धी कार्यविधि २०८३..
आइतवार, कार्तिक २३, २०८३ -
अब हरेक कार्यालयले ई–पेन्सन सेवा दिनुपर्ने
शुक्रबार, कार्तिक २८, २०८३


