काठमाडौ ।

जनप्रतिनिधिबीच मिलाप नहुँदा कर्मचारी मारमा पर्न थालेका छन् । जसको असर सरसफाइ र विकास निर्माणदेखि नक्सा पासको काम समेत प्रभावित छ ।

संघीय मामिला तथा सामान्य प्रशासन मन्त्रालयका अनुसार डेढ दर्जन स्थानीय तहले अझै नगर परिषद गर्न सकेका छैनन् । स्थानीय तह स्वायत्त भएकाले केन्द्रले हस्तक्षेप गर्न सक्दैन । नगर प्रमुख नेकपाका रहेको नगरपालिकामा नेपाली कांग्रेसको बहुमत छ ।

आफ्नो स्वार्थका योजना समावेश गर्ने विषयमा दुई दलका जनप्रतिनिधिबीच कुरा नमिलेकाले बजेट कहिले आउँछ भन्ने अत्तोपत्तो छैन । भक्तपुरको मध्यपुर थिमी नगरपालिका अन्तर्गत ५ सयभन्दा बढी शिक्षक कर्मचारी छन् ।

तर तिनले साउन महिनाको तलब अझै पाएका छैनन् किनभने नगरपालिकाले अहिलेसम्म चालु आर्थिक वर्षको बजेट नै बनाएको छैन ।
स्थानीय तहले असार मसान्तसम्म अनिवार्यरुपमा नयाँ आर्थिक वर्षको बजेट ल्याइ त्यसको जानकारी प्रदेश र केन्द्र सरकारलार्इ गराउनुपर्ने व्यवस्था स्थानीय सरकार सञ्चालन ऐनमा छ ।