काठमाडौं ।
अख्तियार, भूमि व्यवस्था मन्त्रालय र सीआईबी तीनवटै निकायले अनुसन्धान भईरहेका कारण बालुवाटार जग्गा प्रकरण लम्बिएको सरकारको भनाई छ ।

भूमि व्यवस्था, सहकारी तथा गरिबी निवारणमन्त्री पद्यमा अर्यालले (ललितानिवास)को जग्गा प्रकरणमा केही ढिलो भएपनि यसलाई सरकारले ओझेलमा नपार्ने स्पष्ट पारिन ।

मन्त्री अर्यालले तीनवटा निकायबाट छानबिन र अनुसन्धानको काम भैरहेको भन्दै उनले यो प्रकरण अझोलमा नपर्ने बताएकी हुन् ।

मन्त्री आर्यालले यो प्रकरणमा कारबाहीको लागि केही ढिलाइ भए पनि दोषीहरु नउम्किने दाबी गरिन् । ‘जनताले यो प्रकरणमा जुन अपेक्षा गरेका छन्, त्यहीअनुसारको नतिजा आउँछ,’ उनले अघि भनिन् ।