काठमाडौं । अब त्रिभुवन विश्वविद्यालयले सर्च गरेर उपकुलपति सिफारिस गर्ने भएको छ । त्यसका लागि सर्च कमिटी’ गठन गरिएको छ ।

शिक्षामन्त्री गिरिराजमणि पोख्रेलको संयोजकत्वमा तीन सदस्यीय सर्च कमिटी गठन भएको हो । पोखरेल बिश्वबिद्यालयको सहकुलपतिसमेत हुन् । मन्त्रीलाई कमलप्रसाद गुरागाईं र दिल्लीप्रसाद शर्माले सहयोग गर्नुपर्ने छ ।

त्रिभुवन विश्वविद्यालयका हालका उपकुलपति तीर्थ खनियाँको कार्यकाल सकिन दुई साता बाँकी रहेकाले नयाँ उपकुलपति छनोट गर्न लागिएको हो ।

त्रिभुवन विश्वविद्यालयको ऐनमा सहकुलपतिको संयोजकत्वमा सिनेटका दुई सदस्य रहने गरी सर्च कमिटी गठन गर्ने व्यवस्था छ । सर्च कमिटीले सिफारिस गरेको व्यक्तिलाई कुलपति एवम् प्रधानमन्त्रीले नियुक्त गर्ने प्रावधान छ ।