पोखरा ।

गण्डकी प्रदेशका मुख्यमन्त्री पृथ्वी सुब्बा गुरुङले पार्टीगत ट्रेड युनियन खारेज गर्ने समय आएको बताए । पोखरामा आयोजित एक कार्यक्रममा मुख्यमन्त्रीले विगतमा राजतन्त्र र पुरानो व्यवास्था ढाल्नलाई राजनीतिक दलहरुले युनियन प्रयोग गरे पनि अव भने, ‘कर्मचारीतन्त्र स्थायी संरचनामा चल्न नसक्दा नै सरकारको काम प्रभावकारी हुन नसकेको बताए । सरकार बदलिने वित्तिकै ट्रेड युनियनको पावर बदलिन्छ। युनियन बदलिने वित्तिकै त्यही युनियनको प्रभावमा कर्मचारीतन्त्र चलेको उनले बताए ।

कर्मचारीले आजको दिनमा पनि नतिजा भन्दा प्रक्रियामा ध्यान दिइरहेको बताउँदै उनले अब झन्झटिला व्यवस्था परिवर्तन गर्न आवश्यक रहेको बताए।
देशको शासन व्यवस्था र शैली बदलिए पनि कर्मचारीतन्त्र अझै पुरानै ढाँचामा चलिरहेको उनको आरोप छ। यसलाई सरकारले नतिजा दिन नसक्नुको कारकको रुपमा लिएको पनि उनले बताए।