नेपाल प्रहरीको अधिकार कटौती गरेर अपराध अनुसन्धानमा मात्र लगाउनु पर्ने सांसदहरुले प्रस्ताव गरेका छन् । सुरक्षाको जिम्मा सशस्त्र प्रहरीलाई दिनु पर्ने उनीहरुको प्रस्ताव छ ।

राज्य व्यवस्था समितिको बैठकमा सांसदहरु जनार्दन शर्मा , नवराज सिलवाल, दिलेन्द्रप्रसाद बडुलगायतले सो प्रस्ताव राखेका हुन् ।

बैठकमा सांसदहरुले प्रहरीलाई अपराध अनुसन्धानको मात्रै जिम्मा दिएर सुरक्षाको सबै जिम्मा सशस्त्र प्रहरीलाई दिनुपर्ने प्रस्ताव राखे ।

‘विमानस्थलमा तत्काल पक्राउ गर्नुपर्ने, खानतलासी गर्नुपर्ने जिम्मा नेपाल प्रहरीलाई दिने र सुरक्षाको जिम्मा सशस्त्रलाई दिनु पर्ने उनीहरुले बताए ।

पूर्व डीआईजीसमेत रहेका नेकपा सांसद नवराज सिलवालले राष्ट्रिय आयोजनाको सुरक्षा जिम्मा सशस्त्र प्रहरीलाई दिनुपर्ने बताए ।
राज्य व्यवस्था समितिमा नेपाल प्रहरी र प्रदेश प्रहरीले सम्पादन गर्ने कार्यको सन्चालन, सुपरीवेक्षण र समन्वयको सम्बन्धमा व्यवस्था गर्न बनेको विधेयकमा छलफल भएको छ । विधेयकको दफा ३ मा नेपाल प्रहरीको काम कर्तव्यको व्यवस्था छ । यही दफामाथि सांसदहरुले आफ्ना धारणा राख्दै आएका छन् ।