काठमाडौं । ओखलढुंगाको चम्पादेवी गाउँपालिका ८ का वडा अध्यक्ष अजय लुइँटेलविरुद्ध सार्वजनिक शान्ति विरुद्धको कसुरमा मुद्दा दर्ता भएको छ। जिल्ला प्रहरी कार्यालय ओखलढुंगामा लुइँटेलविरुद्ध छिमेकी वडाका वडा अध्यक्षमाथि कुटपिट गरेको र कर्मचारीलाई नाक भाँच्ने धम्की दिएको लगायतको अभियोगमा मुद्दा दर्ता भएको हो। सोही गाउँपालिका(७ का वडा अध्यक्ष सुरेश थापाले गाउँपालिकाको कार्यालयमै ०७६ असार ३० गते दिउँसो आफूमाथि कुटपिट गरेको भन्दै जिल्ला प्रहरी कार्यालय ओखलढुंगामा साउन १ गते लुइँटेलविरुद्ध उजुरी दिएका थिए। घटनाका प्रत्यक्षदर्शी खड्ग कार्कीका अनुसार थापामाथि गाउँपालिकामा काम गरिरहेको अवस्थामा दिउँसो ३ बजे मादक पदार्थ सेवन गरेर लुइँटेलले ककुटपिट गरेका थिए। कार्कीले आफूले थापालाई जोगाएको पनि उनले बताए।