काठमाडौँ ।

गुल्मीको सत्यवति गाउपािलका–४ लुम्पेक र लिम्धामा मंगलबार गएको पहिरोमा परेकालाई सहयोग गर्नका लागि काठमाडौमा रहेका गुम्मेली राहत सङ्कलनमा जुटेका छन् ।
नेपाल कम्युनिष्ट पार्टी (नेकपा) निकट गुल्मी–काठमाडौँ सम्पर्क मञ्चको आज यहाँ भेला गरी राहत सङ्कलनमा जुट्न आग्रह गरेको हो ।
भेलाले श्रीप्रसाद पाण्डे र शंकर भण्डारीको संयोजकत्वमा १३ सदस्यीय समिति गठन गरिएको छ ।
भेला मा सरकारलाई राहत उपलब्ध गराउन, दिर्घकालिन व्यवस्था गर्न र काठमाडौमा रहेका गुल्मेलीलाई राहत संकलनमा गर्न नेकपाका गुल्मी इन्चार्ज एवम् प्रदेश सांसद दिनेश पन्थीले आग्रह गर्नु भयो ।
भेलामा सात लाख रुपियाँ सङ्कलन गरिएको नेपाल प्रेस चौतारीका पूर्व अध्यक्ष राजेन्द्र अर्यालले जानकारी दिनुभयो । भेलामा पूर्व सांसद पटिक थापाले विपद्को घडीमा सवैले सहयोग गर्नुपर्ने बताउनुभयो ।
मंगलवार गएको पहिरोमा परि १२ जनाको ज्यान जानुको साथै छ सय घरपरिवार विस्थापित भएका छन् ।