काठमाडौं ।

नेपाल वायुसेवा निगमले कर्मचारी सञ्चय कोष लगायतसँग लिएको ऋणको किस्ता तिर्न सकेको छैन । उसले सरकारसँग पैसा माग गर्दै आएको छ । उसको घाटा ३७ अर्ब घाटामा रहेको छ । तर, जहाज चढ्ने र चढाउनेहरु सधै नाफामा रहेका छन् ।

निगमको वार्षिक उत्सवका अवसरमा आयोजित कार्यक्रममा प्रधानमन्त्री केपी ओलीले अव निगमलाई सरकारले पैसा नदिने बताए ।

उनले अघि भने, ‘अहिले ३७ अर्ब दियो भने अर्को वर्ष पनि दिनुपर्छ । त्यसैले यसको व्यवस्थापन, सञ्चालन उपयुक्त ढंगले हुनुपर्छ । यो व्यवहारमा देखिनुपर्‍यो ।’

विमान समयमा मर्मत सम्भार गरेर चुस्त दुरुस्त राख्न र नयाँ गन्तव्य खोज्न प्रधानमन्त्रीले आग्रह गरे ।

ओलीले यथास्थितिमा नेपाल वायुसेवा निगमलाई एक पैसा पनि दिन नसकिने बताए । उनले पैसा कमाउने ठोस योजना ल्याउन निगम नेतृत्वलाई आग्रह गरेका छन् ।तर, कर्मचारी ब्यवस्थापन र आवश्यक अन्य ब्यवस्थापन नगर्दा निगम अझै घाटामा जाने देखिन्छ ।