काठामडौं । पोखरा महानगरपालिकाले बिकटका वडा सचिवलाई काममा आकर्षण गराउन अत्तिरिक्त भत्ताको ब्यवस्था गरेको छ । टाढा र कम विकसित भनिएका ११ वटा वडाहरूमा खटिने प्रति कर्मचारीलाई १ हजार ५ सय रुपैयाँ थप भत्ता दिने महानगरले निर्णय गरेको हो । नयाँ बजेटमा सो कुरा उल्लेख गरिएको छ । तत्कालीन गाविसहरूबाट गाभिएर महानगर भएका वडाहरूमा यस्तो सुबिधा दिन लागिएको हो । कर्मचारीको मनोवल बढाउन र काममा क्रियाशिलता ल्याउन प्रोत्साहन भत्ताको ब्यवस्था गरेको महानगरका प्रमुख मानवहादुर जिसीले बताए ।