काठमाडौं ।

संखुवासभाको चैनपुर नगरपालिकाका तत्कालीन कार्यकारी अधिकृत उत्तम रेग्मीले अनियमितरुपमा कार्यालय सहयोगीको नाममा विभिन्‍न योजना भुक्तानी दिन भन्दै नक्कली बिल बनाएर हिनामिना गरेको खुलासा भएको छ । अख्तियारले रेग्मीविरुद्ध ७ लाख ६ हजार रुपैयाँ विगो माग दाबी गर्दै मुद्धा दायर गरेको छ । अख्तियारले रेग्मीसँग मिलेमतो गरी मतियारमा संलग्न रहेका भन्दै हिमालयन इन्स्टिच्युट अफ टेक्नोलोजीका सञ्चालक यज्ञप्रसाद ढकाल, इन्स्टिच्युट अफ रिसर्च एण्ड डेभलपमेन्टका सञ्चालक दुर्गाप्रसाद दाहाल तथा एभरेष्ट टेक्नोलिङ्कस प्रालिका संचालक अन्जिता गौतमविरुद्ध यसअघि मुद्धा दायर गरेको थियो।