काठमाडौं ।

प्रदेश दुई सरकारले ‘मुख्यमन्त्री बेटी पढाऊ, बेटी बचाऊ’ कार्यक्रम अन्तर्गत प्रदेश सरकारले एक सय महिलालाई लोकसेवा परीक्षाको तयारीका लागि कक्षा सञ्चालन गरेको छ । जनकपुरको राजश्री जनक क्याम्पसमा लोकसेवा तयारी कक्षाको मुख्यमन्त्री राउतले शुभारम्भ गरेका हुन् । एक महिने कक्षा संचालनका लागि चार लाख रुपैयाँ बजेट विनियोजन गरिएको छ।

कौटिल्य इन्सिट्च्युट सँगको सहकार्यमा प्रदेश सरकारले पहिलो चरण एक सय एक महिलालाई लोकसेवाको तयारी गराउन लागेको हो।

लोकसेवा तयारी कक्षाको उद्घाटन समारोहलाई सम्बोधन गर्दै मुख्यमन्त्री राउतले

महिला सशक्त नभएसम्म सामाजिक रुपान्तरण सम्भव नहुने र सामाजिक रुपान्तरण नभएसम्म प्रदेश समृद्ध नहुने यथार्थलाई बुझ्दै प्रदेश सरकारले सरकारी सेवामा महिलाको पहुँचलाई सुनिश्चित गर्न लोकसेवा तयारी कक्षा संचालन गरेको बताए।

छोरीलाई शिक्षित बनाउने मात्र नभई सरकारी सेवामा पहुँच बढाउन प्रदेश प्रहरी र निजामति सेवामा ५० प्रतिशतको आरक्षण गर्ने प्रदेश २ मुलुककै पहिलो रहेको उनको दाबी छ।
क्याम्पसका प्रमुख धमेन्द्र झाको अध्यक्षतामा भएको उद्घाटन कार्यक्रममा मुख्यन्यायधिवक्ता दिपेन्द्र झा, मुख्य सचिव दिपक सुवेदीलगायत सहभागी थिए।