गुल्मी ।

सशस्त्र प्रहरी महानिरीक्षक शैलेन्द्र खनालले स्वर्गीय पिता डा. टिकाराम खनालको सम्झनामा धर्मशाला बनाउने भएका छन् । गुल्मीको रिडीमा रहेको पुख्र्यौली घरलाई धर्मशाला बनाउने खनालले घोषणा गरेका छन् । स्वर्गीय पिता खनालको पुण्य तिथिमा भाइहरु भुवन र कुमुद खनालसहित गुल्मी पुगेर खनाल परिवारले यो घोषणा गरेको हो । आइजीपी खनालले लामोचौपारीमा रहेको आफ्नो घरलाई धर्मशाला बनाउने घोषणा गरेका हुन् । साथै, त्यहाँको जिर्ण अबस्थामा रहेको ऐतिहासिक लामोचौपारीलाई पनि पुननिर्माण गर्ने खनाल परिवारले वताएको छ । धर्मशाला र लामोचौपारीको लागि स्थानीय शंकर भट्टराईको अध्यक्षतामा २५ सदस्यीय निर्माण समिति समेत गठन गरिएको छ । समितिले आवश्यक काम तुरुन्तै थाल्ने बताएको छ ।

–ऋषि भट्टराई