काठमाडौं । आर्थिक समृद्धि प्रशंसनीय दृष्टिकोणमा आधारित दिगो स्थानीय आर्थिक विकास रणनीति निर्माण गर्नका लागि प्रशिक्षक तयार गरिएको छ । स्थानीय विकास प्रशिक्षण प्रतिष्ठानको आयोजनामा २२ जना प्रशिक्षक तयार गरिएको हो । जेठ ३० देखि असार १ गतेसम्म सञ्चालन भएको यो प्रशिक्षण कार्यक्रम काभ्रेपलाञ्चोकको धुलिखेलमा सम्पन्न भएको हो । स्थानीयतहमा निर्वाचित जनप्रतिनिधिलाई दीगो आर्थिक विकासमा सहभागी गराउनका लागि तालिम सञ्चालनका लागि प्रशिक्षक तयार गरिएको प्रतिष्ठानका कार्यकारी निर्देशक पीतकुमार श्रेष्ठले जानकारी दिए । देशभर बाट छनौट भएर आएका सहभागीहरुलाई बिभिन्न बिषयमा प्रशिक्षण दिईएको थियो ।
नेपाल सरकारको ‘सम्मृद्ध नेपाल सुखी नेपाली’ भन्ने नारालाई सार्थक पार्न प्रतिष्ठानले दीगो स्थानीय आर्थिक विकासमा जोड दिएको श्रेष्ठले वताए । राष्ट्रिय तथा स्थानीयतहमा बहश गर्दै बुझाईमा एकता ल्याउनका लागि पनि यो कार्यक्रम सार्थक हुने श्रेष्ठको भनाई छ । विकासको रणनीतिक योजना तर्जुमासम्वन्धी क्षमता विकासमा क्रियाकलापहरुलाई प्राथमिकतामा राखिएर प्रशिक्षकका लागि प्रशिक्षण गरिएको प्रतिष्ठानका ब्यवस्थापन अधिकृत योगमाया सापकोटाले जानकारी दिईन् ।