काठमाडौं ।

गुठीसम्बन्धी कानुनलाई एकीकरण र संशोधन गर्न बनेको विधेयकको समाधन गर्न पूर्वप्रधानमन्त्री माधवकुमार नेपालले पहल थालेका छन् । केही ले आन्दोलन र केहीले समर्थन गर्न थालेपछि गुठी सम्वन्धी बिधेयकमा सरकारबिरुद्ध पनि आलोचना हुन थालेको छ । यही बिषयलाई समाधान गर्नका लागि पूर्वप्रधानमन्त्री नेपालले सरोकारवालाका साथै काठमाडौं भक्तपुर र ललितपुरका बिभिन्न ब्यक्तिसँग छलफल गरेका छन् ।

काठमाडौं–२ का सांसद समेत रहेका वरिष्ठ नेता नेपालले सोमबार प्रस्तावित गुठी विधेयकका बारेमा काठमाडौँबाट निर्वा्चित सांसदहरुसँग छलफल गरेका छन् । वरिष्ठ नेता नेपालले विधेयकका बारेमा काठमाडौंबाट निर्वा्चित सांसदहरुको धारणा बुझेका थिए ।

दिउँसो १ बजेदेखि साढे २ बजेसम्म सिंहदबारस्थित कृषि समितिका हलमा बसेको बैठकमा सांसदहरुले जनताको सांस्कृतिक भावनामाथि चोट पुगेका कारण विधेयकका कारण जनतामा आक्रोश पैदा बताएका थिए । उनीहरुले विधयेक तत्काल फिर्ता लिनका लागि पहल गर्न बरिष्ठ नेता नेपाललाई आग्रह गरेका थिए ।

विधेयक स्थगन वा संशोधन गर्दा मात्रै हुने खालको नभएकाले हाललाई फिर्ता लिने र सरोकारवालाहरुसँग व्यापक छलफलपछि मात्रै अघि बढाउनेमा सांसदहरुले जोड थियो ।

गुठियारहरुले आगमी असार ४ गते प्रर्दशनको तयारी गरिरहेको बेला प्रधानमन्त्री केपी ओलीसँगै नेता नेपाल पनि समधान खोज्न सक्रिय भएका हुन् ।