काठमाडौं ।

दुनियाँले अधिकार दुरुपयोग गरेकोमा कार्वाही गर्ने निकाय अख्तियार दुरुपयोग

अख्तियार दुरुपयोग अनुसन्धान आयोगका पदाधिकारीलाई नै सर्बोच्च अदालतले कारवाहीको चेतावनी दिएको छ । सचिव र अन्य उच्च पदस्थ अधिकारीमाथि

अदालतको आदेश पटक पटक अटेर गरेको सर्वोच्चको आरोप छ । आयोगका काम कारवाहीसम्बन्धी अभिलेख र रजिस्टर ५ वर्षदेखि उपलब्ध नगराएको भन्दै सर्वोच्चले किन कारबाही नगर्ने भनी प्रश्न गरेको हो ।

न्यायाधीशद्वय ईश्वरप्रसाद खतिवडा र सपना प्रधान मल्लको संयुक्त इजलासले विहिवार २०६० साल वैशाख २५ गतेको निर्णय सहितको सक्कल मिसिल, फायलसमेत लिई अदालतमा उपस्थित हुन सचिव स्वयंलाई आदेश दिएको हो । अदालतले २०७१ असोज २९ गते ताराराज पाण्डेको मुद्दा सम्बन्धी २०६० को अभिलेख पठाउन आदेश दिए पनि त्यस यता पटक पटक अटेरी गरेको र भेटिएन भन्दै पन्छिएको आदेशमा उल्लेख छ ।