काठमाडौं ।

सरकारले बेरोजगारका लागि भत्ता दिन रकम पठाएपछि यो कार्यक्रम सुरु भएको छ । तर, कम्तीमा ३० दिनको रोजगारी ग्यारेन्टी हुने गरी रोजगारी दिनु पर्नेछ । त्यसको परिपत्र सबै स्थानीय तहलाई गरिएको छ ।

बेरोजगारलाई काममा लगाएर पारिश्रमिक दिन अर्थ मन्त्रालयले केही साताअघि मात्रै २ अर्ब ३६ करोड ७९ लाख ६९ हजार रुपैयाँ निकासा गरेको थियो । स्थानीय तहले बेरोजगारलाई कम्तीमा ३० दिनको काम दिएर मात्रै वेरोजगार भत्ता वापतको पैसा दिनेछ ।

सरकारले बेरोजगारलाई पैसा दिन पालिकालाई ४ लाख रुपैयाँदेखि १ करोड रुपैयाँसम्म निकासा दिइसकेको छ । कोन्ज्योसोम गाउँपालिकाले सबैभन्दा कम ४ लाख रुपैयाँ पाएको छ भने सबै महानगरपालिकालाई १र१ करोड रुपैयाँका दरले रकम निकासा गरिएको छ ।

केही उपमहानगरपालिकालाई पनि १ करोड रुपैयाँका दरले नै बजेट निकासा गरिएको छ । उपमहानगरमा सबैभन्दा कम बजेट पाउनेमा इटहरी परेको छ भने हेटौंडा, कलैया, जितपुर सिमरा, बुटवल, घोराही, तुल्सीपुर, नेपालगन्ज र धनगढी उपमहानगरले १र१ करोड रुपैयाँका दरले नै पैसा पाएका छन् । नगरपालिका भएर पनि वीरेन्द्रनगर र भीमदत्तले ११ करोड रुपैयाँ नै पाएका छन् ।
सरकारले चालू आर्थिक वर्ष ९आव०देखि बेरोजगारलाई भत्ता दिन सुरु गरेको छ । प्रधानमन्त्री रोजगारी कार्यक्रमअनुसार सरकारले देशभरका ७ सय ५३ वटै स्थानीय तह ९पालिका०मार्फत बेरोजगारलाई पैसा दिन थालेको हो ।